Ապրիլ 4-ի լոյս 5-ի գիշերը Լեռնային Ղարաբաղի Թալիշի դիրքերէն մէկուն մէջ ականի պայթումէն ողնաշարի կրծքային Տ4 մակարդակի կոտրուածք ստացած պայմանագրային ծառայող Հայկ Սէխիլեան 4 ամիս անց արդէն ձեռնափայտի օգնութեամբ կրնայ ոտքի վրայ կանգնիլ:
«Բժիշկները սպասում էին, որ 6 ամիս յետոյ ոտքս հազիւ կարողանամ շարժել, բայց 4 ամիս անց, յենակների օգնութեամբ, արդէն քայլում եմ»,- Tert.am-ի հետ զրոյցին ըսաւ Հայկ Սէխիլեան:
Դէպքէն ետք ան 2 անգամ վիրահատուած է եւ վերականգնողական շրջան կ’անցնէ Հայկական Կարմիր խաչի առողջութեան կեդրոնին մէջ: Զինծառայողի առողջութեան վերականգնման համար տակաւին 1-2 տարի կը պահանջուի:
10 տարի շարունակ Հայաստանի Հանրապետութեան ծառայող Հայկ Սէխիլեան որոշած է ապաքինուելէ ետք վերադառնալ Պաշտպանութեան բանակ:
