*ՍԵՒԱԿ ՅԱԿՈԲԵԱՆ*
Տարիքը թիւ մըն է պարզապէս սիրելի ընթերցող, իսկ մեծահոգութիւնը մարդկային բարձրագոյն արժանիքներէն մին:
Նկարին մէջ երեւցողը 99ամեայ ազնիւ կին մըն է Ամերիկայի Իօուա նահանգէն: Ան կը կոչուի Լիլիան Ուէպըր: Ազնուահոգի Լիլիան սիրայօժար կերպով, աւելցուք լաթերու կտորներով օրն ի բուն հագուստներ կը կարէ ու կ՛ուղարկէ Ափրիկէ, որպէսզի ափրիկեցի աղքատ եւ լքեալ փոքրիկներ գեղեցիկ ու գունաւոր հագուստներ հագնին…:
Լիլիանի կարած իւրաքանչիւր հագուստը կը կրէ իր գեղեցիկ Ճաշակին իւրայատուկ հպումը:
Ահաւասիկ Աստուածահաճոյ գործ մը, որու հեղինակին կամքն ու մեծ սիրտը ոչ մէկ սահմանափակում ունին: Լիլիան բարեգործութիւն կ՛արտադրէ կեանքի այն հանգրուանին, ուր իր տարեկիցներէն շատեր ինքզինքնին անպէտք կը զգան:
Յարգանք եւ երախտագիտութիւն իրեն:
