Ուրբաթ, 01. 03. 2024

spot_img

ՀԲԸՄ Հայաստանը Հիւրընկալեց Էվերեսթ Մագլցած Հայազգի Լեռնագնաց Արա Խաչատուրեանին Ֆրանսահայ Լեռնագնացը, Մագլցելով Ամենաբարձր Գագաթը, Յիշատակման, Համախմբման Եւ Խաղաղութեան Կոչ Ըրաւ

Երէկ Հինգշաբթի 11 Օգոստոս 2016-ին, Հայկական Բարեգործական Ընդհանուր Միութիւնը (ՀԲԸՄ) հիւրընկալեց Մարսելաբնակ հայազգի լեռնագնաց Արա Խաչատուրեանին, որ մագլցած է աշխարհի ամենաբարձր գագաթը՝ Էվերեսթը՝ ի յիշատակ Հայոց Ցեղասպանութեան 100-րդ տարելիցին:

ՀԲԸՄ Հայաստանի դահլիճին մէջ կայացած միջոցառման ներկայ էին սկաուտներ, երիտասարդներ, փորձառու լեռնագնացներ, ինչպէս նաեւ ՀԲԸՄ «Բացայայտիր Հայաստանը» ծրագրի մասնակիցները եւ այլ հիւրեր:

3

ՀԲԸՄի անունով Պրն. Յովիկ Էօրտէքեան ներկաներուն ծանօթացուց յարգելի հիւրը, որմէ ետք խօսք առաւ Արա Խաչատուրեան ապա

ցուցադրուեցաւ մագլցումը նկարագրող կարճամեթրաժ ֆիլմ, որմէ ետք դարձեալ Խաչատուրեանը ներկաներուն պատմեց  իր փորձառութեան մասին, ինչպէս նաեւ անոնց հետ կիսեց  իր հետաքրքիր կեանքէն դրուագներ: Ան գաղթելով Լիբանանէն ֆրանսա, յաջողութեամբ համադրած է ոսկերչութիւնն ու լեռնագնացութիւնը: Խաչատուրեանը ներկաներուն պատմեց մանրամասներ նաեւ այն մասին, թէ ինչը ոգեշնչած է զինք յաղթահարել այդ ֆիզիքապէս ծանր, բայց միեւնոյն ժամանակ այդքան զգացմունքային փորձութիւնը:

2016թ.-ի Մայիսի 22-ին, յաղթահարելով 8,848 մեթր բարձրութիւնը, Արա Խաչատուրեանը բարձրացուցած է Հայաստանի հանրապետութեան, Լեռնային Ղարաբաղի, Ֆրանսայի եւ Լիբանանի  ազգային դրօշները՝ իր յաղթանակը նուիրելով աշխարհասփիւռ հայութեան միասնականութեան:

Տարբեր կազմակերպութիւններու եւ ակումբներու խորհրդանշաններու հետ մէկտեղ, Խաչատուրեան ծածանած է նաեւ ՀԲԸՄ-ի դրօշը՝ ի նշան ՀԲԸՄ Լիբանանի սկաուտական շարժման իր մասնակցութեան տարիներուն ձեւաւորուած հզօր հայրենասիրական ոգիին, առաջնորդութեան եւ նպատակասլացութեան:

Աւարտին ներկաները իրենց հարցումներ ուղղեցին Արա Խաչատուրեանին, որ իրեն յատուկ հաճելի ոճով բոլորը գոհացուց:

3

Նշենք, որ Արա Խաչատուրեան արժանացած է ՀՀ վարչապետ Յովիկ Աբրահամեանի կողմէ շնորհակալագիր, ինչպէս նաեւ օրերս կ՛արժանանայ ՀՀ Սփիւռքի նախարարութեան «Ոսկէ մետալին»:

Արա խաչատուրեանը մագլցած է աշխարհի ամենաբարձր ութ գագաթները՝ Մոնպլան, Ֆրանսա 7,807մ. (2007թ.), Արարատ, Արեւմտեան Հայաստան 5,137մ. (2011թ.), Քիլիմանճարօ, Ափրիկէ- 5,896 մ. (2012 թ.), Քոթոպաքս, Էքուատոր- 5,897մ. (2013 թ.), Սահամա, Պոլիվիա- 6,542մ. (2013 թ.), Հուասքարան, Փերու- 60655մ. (2013թ.), Լենին, Ղրղզստան- 7,134մ. (2016թ.), Էվերեսթ, Նեփալ- 8,848մ.  (2016 թ.):

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին