Օգոստոս 2 լոյս 3-ին Ղարաբաղա-ազրպէյճանական հակամարտ զօրքերու սահմանագիծին վրայ հակառակորդը հրադադարը խախտած է 31 անգամ, որուն ընթացքին, տարբեր տրամաչափի հրաձգային զինատեսակներէ, հայ դիրքապահներու ուղղութեամբ արձակած է աւելի քան 350 կրակոց:
ԼՂՀ ՊԲ մամուլի ծառայութեան փոխանցած տեղեկութիւններով` Օգոստոս 2-ին` ժամը 15:00-ի սահմաններուն, ՊԲ արեւելեան ուղղութեամբ տեղակայուած զօրամասերէն մէկուն պահպանութեան տեղամասին մէջ, ականապայթիւնային մահացու վէրք ստացած է զինծառայող, 1996-ի ծնունդ Գէորգ Արթուրի Յարութիւնեանը:
Դէպքին մանրամասները պարզելու համար կը կատարուի քննութիւն:
ԼՂՀ պաշտպանութեան նախարարութիւնը կը կիսէ կորստեան ծանր վիշտը եւ իր զօրակցութիւնը կը յայտնէ մահացած զինծառայողի ընտանիքի անդասմներուն, հարազատներուն եւ ծառայակիցներուն:
