Շաբաթ, 02. 03. 2024

spot_img

ՔԱՀԼ-ի Հայ Տարեցներու Տան Վերանորոգուած Խոհանոցի Պաշտօնական Բացում

Չորեքշաբթի՝ 27 Յուլիս 2016-ին, կէսօրէ առաջ ժամը 11.00-ին, ՔԱՀԼ-ի Հայ Տարեցներու Տուն կրկին այցելեց «Ուալիտ Պըն Թալալ» Բարեսիրական Հաստատութեան փոխնախագահ, նախկին նախարար Լէյլա Սոլհ-Համատէ:

Հաստատութեանս մուտքին պատուարժան հիւրը սիրալիր ընդունելութեան արժանացաւ ՔԱՀԼ-ի տնօրէն Պատ. Սեպուհ Թէրզեանի եւ պետական նախարար Յակոբ Բագրատունիի կողմէ:

Ընդհանուր խանդավառութեան մէջ, Տիկ. Լէյլա Սոլհ-Համատէ տեսակցեցաւ պատսպարեալ մամիկներուն հետեւ հետաքրքրուեցաւ անոնց վիճակով:

Ապա ներկաները հաւաքուեցան վերանորոգուած խոհանոցին առջեւ՝ կատարելու պաշտօնական  բացումը:

Դեկտեմբեր 2015-ինՔԱՀԼ այցելութեան, նախկին նախարար Լէյլա Սոլհ-Համատէ խոստացած էր ստանձնել ՔԱՀԼ-ի խոհանոցին լման վերանորոգման եւ արդիական սարքաւորման ծախսերը, ինչպէս նաեւ սատարելով ՔԱՀԼ-ի որդեգրած «Ծիրանի» խոհանոցին ծրագրին:

Ամիսներ շարունակ, մեծ աշխատանքով  նախկին խոհանոցը ամբողջապէս նորոգուեցաւ եւ կահաւորուեցաւ:

2

 

 

 

Տնօրէնութեան շնորհակալական խօսքէն ետք, ծափահարութիւններով բացման ժապաւէնը կտրեց օրուան հիւրը՝ Լէյլա Սոլհ-Համատէ, մասնակցութեամբ  ՔԱՀԼ-ի տնօրէն Պատ. Սեպուհ Թէրզեանի եւ պետ. նախարար Յակոբ Բագրատունիի: Ներկաները շրջեցան բարեկարգուած եւ ամբողջութեամբ նոր կահաւորուած բաժինը, զետեղուած արդիական գործիքներով: Ապա տեղի ունեցաւ հիւրասիրութիւն:

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին