Բժիշկները պատանդ պահելը աննախադէպ երեւոյթ է, որ որեւէ տրամաբանութեան մէջ չի տեղաւորուիր, «Sputnik Արմէնիա»-ին ըսած է արցախեան պատերազմի մասնակից, «Երեւան» բժշկական կեդրոնի տնօրէն վիրաբոյժ Տարօն Տօնոյեան։
«Չեմ տիրապետեր ամբողջ տեղեկատուութեան, որպէսզի երկկողմանի նայիմ հարցին, բայց չեմ կարծեր, որ այնպիսի օրհասական վիճակ է, որ արդէն բժիշկներ պատանդ կը պահեն։ Պատանդ պահելը ինքնին լաւ երեւոյթ չէ եւ խիստ մտահոգիչ է։ Կ’ափսոսամ անոր համար», ըսած է Տօնոյեանը։
Ան նշած է, որ շատ դժուար է պատշաճ մակարդակով բուժօգնութիւն ցոյց տալ ՊՊԾ գունդի շէնքի մէջ գտնուող տուժածներուն։
«Վիրաւորները կը պահեն այնտեղ եւ թոյլ չեն տար օգնութիւն ցուցաբերել նորմալ պայմաններու մէջ։ Այդ քայլը չեմ հասկնար։ Մարտական ընկերոջ կեանքը վտանգել եւ պահանջել, որ առողջապահութեան նախարարը երթայ…։ Նախարարը երթայ ի՞նչ ընէ, ինք վիրահատող չէ», -ըսած է Տօնոյեանը։
Ան աւելցուցած է, որ եթէ պէտք ըլլայ, ապա անձամբ կ’երթայ այնտեղ եւ կը վիրահատէ վիրաւորները։
