Յուլիս 26-ի լոյս 27-ի գիշերը ղարաբաղա-ազրպէյճանական հակամարտ զօրքերու շփման գիծին վրայ, հակառակորդը հրադադարը խախտած է 14 անգամներ, որոնց ընթացքին տարբեր տրամաչափի հրաձգային զինատեսակներէ, հայ դիրքապահներու ուղղութեամբ արձակուած են աւելի քան 100 կրակոցներ:
ԼՂՀ ՊԲ յայտնած է նաեւ, որ բացի հրադադարի խախտումներէն, շփման գիծի հարաւային ուղղութեամբ արձանագրուած են նաեւ հակառակորդին հետախուզական անօդաչու թռչող սարքերու թռիչքներ:
«Պաշտպանութեան բանակի յառաջապահ ստորաբաժանումները ուշադիր հետեւած են առաջնագիծին վրայ եղող զարգացումներուն եւ համապատասխան գործողութիւններու դիմած միայն խիստ անհրաժեշտութեան պարագային», ըսուած է հաղորդագրութեան մէջ:
