Արցախի Տիգրանակերտ հնավայրին մէջ Յուլիս 1-էն մեկնարկած են պեղումները: Ֆինանսաւորումը կ’իրակացաուի ԼՂՀ կառավարութեան կողմէ,- Panorama.am-ին տեղեկացուցած է Տիգրանակերտի արշաւախումբի ղեկավար Համլէթ Պետրոսեանը:
«Յատուկ հանդիպում եմ ունեցել Արցախի վարչապետի հետ, ով ապահովել է պեղումնրի ֆինանսաւորումը»,- նշած է ան:
Հ.Պետրոսեանի խօսքով, այժմ կ’աշխատին ամրացուած թաղամասի պարիսպներուն երկու շարքին վրայ. «Այստեղ շատ հետաքրքիր բան է բացւում. ոչ միայն պարիսպներ, այլ նաեւ պարիսպներին կից հարթակներ կամ թեռասաներ, որոնք բարդ կառուցուածք ունեն»:
Արշաւախումբի ղեկավարը ըսած է, որ պեղումներ կը կատարուին վաղ քրիստոնէական հրապարակին վրայ, մասնաւորապէս առաջին բազիլիկ եկեղեցւոյ արեւմտեան հատուածին մէջ:
Հ. Պետրոսեանը նշած է, որ ֆինանսաւորումը մեծ չէ, երեւի պեղումները կը շարունակուին մինչեւ Օգոստոս 10:
«Տիգրանակերտը շատ մեծ յուշարձան է, ցաւում եմ, որ այդ ծաւալները շատ մանր, համեստ քայլերով ենք կարողանում իւրացնել»,- ըսած է արշաւախումբին ղեկավարը:
Նշենք, որ Հայաստանի Հանրապետութեան Գիտութիւններու ազգային ակադեմիոյ Հնագիտութեան եւ ազգագրութեան հիմնարկի Արցախի արշաւախումբը 2005 թուականին յայտնաբերած է Հայոց արքայ Տիգրան Բ Մեծի (95-55 թթ. մ.թ.ա.) կողմէ Արցախի մէջ հիմնած Տիգրանակերտ քաղաքը: Ան Տիգրանի անունը կրող միակ բնակավայրն է, որուն տեղը ճշգրտօրէն պարզուած է, եւ որ կ’ենթարկուի հնագիտական հետազօտութեան:
