WikiLeaks կայքին մէջ հրապարակուած է Թուրքիոյ մէջ իշխող` Արդարութիւն եւ զարգացում կուսակցութեան (ԱԶԿ) ելեկտրոնային նամակներու առաջին խմբաքանակը` 294548 նամակ: Ելեկտրոնային նամակի հաղորդագրութիւնները վերցուած են 762 աղբիւրներէ, որոնց անունները այբբենական կարգով են` անգլերէն A տառէն մինչեւ I` akparti.org.tr հասցէով server-էն, որ համացանցի մէջ ԱԶԿ-ի հիմնական domain-ն է, կը հաղորդէ News.am-ը:
Ամենաթարմ նամակը, որ յայտնուած է WikiLeaks–ի տրամադրութեան տակ, թուագրուած է 2016-ի Յուլիս 6, իսկ ամենահինը 2010-ի է:
WikiLeaks-ը կը նշէ, որ այդ domain-ը հիմնականօրէն միջազգային հարցերով նամակագրութեան համար կը գործածուի, այլ ոչ թէ «զգայուն» ներքին հարցերու:
Նիւթը պատրաստուած է Թուրքիոյ մէջ յեղաշրջման փորձէն մէկ շաբաթ առաջ: Հրապարակման ժամկէտները փոխուած են` իշխանական կառոյցներու մէջ սկսած զտումներուն ի պատասխան, կը յայտնէ Lenta–ն:
