Իրանի Ահուազ քաղաքէն դէպի Երեւան իրականացող առաջին թռիչքը կայացած է,-panorama.am-ի փոխանցմամբ կը հաղորդէ իրանական «ԻՍՆԱ» լրատուական գործակալութիւնը:
Ահուազ կը գտնուի Իրանի հարաւ-արեւմտեան շրջանի Խուզիստան նահանգին մէջ:
Իրանական աղբիւրի փոխանցմամբ` Ահուազէն Երեւան թռիչքը կ’իրականանայ շաբաթը մէկ անգամ՝ Չորեքշաբթի օրերը, առաւօտեան ժամը 8-ին:
Նշենք, որ ներկայիս ամէն օր Թեհրանէն Երեւան կանոնաւոր թռիչքներ կ’իրականանան, անկէ զատ Մաշհատէն եւ Սպահանէն ալ կ’իրականանան ոչ կանոնաւոր թռիչքներ:
Այս թռիչքով Երեւան եկած են շուրջ 110 զբօսաշրջիկներ: Չուերթը Պէյք Խորշիտ օդանաւային ընկերութեան կը պատկանի:
