Միացեալ Նահանգները խստօրէն կը դատապարտէ՝ Հայաստանի մէջ բռնութեամբ քաղաքական փոփոխութեան հասնելու փորձերը:
ԱՄՆ Պետական բաժանմունքի փոխխօսնակ Մարք Թոնըր այդ մասին ըսած է, Ուաշինկթընի մէջ կայացած ճեպազրոյցի ընթացքին:
«Կը ցաւակցինք Կիրակի օր Երեւանի Էրեբունի թաղամասին մէջ տեղի ունեցած միջադէպի ընթացքին զոհուած եւ վիրաւորուած ոստիկաններուն: Մենք խստօրէն կը դատապարտենք բռնութեամբ քաղաքական փոփոխութեան հասնելու փորձերը՝ Հայաստանի կամ որեւէ այլ երկիրի մէջ: Հայաստանի իշխանութիւններուն կոչ կ՛ընենք գործել համապատասխան զսպուածութեամբ եւ դարձեալ կը ցաւակցինք այն ոստիկաններուն, որոնք կորսնցուցին իրենց կեանքը գրոհի ընթացքին», ըսած է Մարք Թոնըր:
