Վալանսի Հայ մշակոյթի տունը ամէն տարի Յուլիս ամսուան արձակուրդներու ժամանակ, մշակոյթի տան 6-11 տարեկան երեխաներուն համար կը կազմակերպէ «Մշակոյթի արուեստանոց» ձեռնարկը, որ մեծ համբաւ ունի երեխաներուն մօտ, որոնք մեծ սիրով եւ ոգեւորութեամբ կը մասնակցին անոր: Այս տարի եւս բացառութիւն չէ:
«Հայերն Այսօր»-ի փոխանցմամբ` Հայ մշակոյթի տան նախագահ Ալէն (Նազօ) Ճինպաշեան իր խումբին հետ միասին, հիմք ընդունելով նախկին տարիներու փորձը, երկու ամիս նախապատրաստուած է, որպէսզի երեխաներուն հնարաւորութիւն ընձեռուի սորվելու հայերէն լեզուն եւ հայ մշակոյթը:
Ծրագիրին մէջ ներառուած են `
Ուսուցողական համագումարներ, ընդհանուր ձեռնարկներ, հայկական ճաշատեսակներու պատրաստում, հայերէնի դասեր, նկարչութիւն, հայկական գեղագրութիւն, երգեցողութիւն, խաղեր եւ այլն:
