Անցեալ շաբաթ Երեւանի մէջ բացումը կատարուեցաւ Փորթուգալի պատուոյ հիւպատոսութեան: Փորթուգալի կառավարութիւնը, Մոսկուայի մէջ Փորթուգալի դեսպան Մարիօ Կոտինիօ Տէ Մաթոսի միջոցով, Հայաստանի մէջ պատուոյ հիւպատոս նշանակեց Սամուէլ Սամուէլեանը:
Լիբանանահայ Սամուէլ Սամուէլեան, որ Երեւան հաստատուած է 2001 թուականէն ի վեր, 15 տարուան լայն փորձառութիւն եւ կապեր ունի Հայաստանի գործարարական եւ կառավարական շրջանակներուն հետ:
Հիւպատոսութեան դերը պիտի ըլլայ աջակցիլ երկու երկիրներուն միջեւ առեւտուրին եւ զբօսաշրջութեան, օժանդակութիւն եւ օգնութիւն տրամադրել Հայաստանի մէջ Փորթուգալի քաղաքացիներուն:
Սամուէլ Սամուէլեան աւարտած է Պէյրութի ամերիկեան համալսարանը եւ Հայաստանի ամերիկեան համալսարանը: Ան զաւակն է Լիբանանի Կեդրոնական Դրամատան փոխ կառավարիչ՝ Յարութիւն Սամուէլեանին:
