«Զարթօնք» նախաձեռնած է տեղեկատուական եւ վերլուծական հանդիպումներու շարք մը, ընդհանուր նիւթ ունենալով «Շրջանը Դէպի Ո՞ւր» հարցադրումը:
Այս շարքին առաջինը հանդիսացաւ՝ Երկուշաբթի, 4 Յուլիս 2016-ին կազմակերպուած «Հալէպի Ճակատագիրը» նիւթին շուրջ հանդիպումը, որուն հիւր զեկուցողն էր «Ալ Մայատին» կայանի դաշտային լրագրող եւ վերլուծաբան Օկարիթ Տանտաշ:
Հանդիպումը առիթ մըն էր լսելու հանրածանօթ լրագրողուհիին ականատեսի տեղեկութիւններն ու վերլուծութիւնները, ինչ կը վերաբերի այնտեղի դէպքերուն:
Աւարտին, հետաքրքրասէր ներկաները առիթը ունեցան իրենց հարցումներով դիմելու յարգելի հիւրին:
Մանրամասնութիւնները յաջորդիւ:
