Շուտով Հանրային հեռուստաընկերութիւնը եթեր կը հեռարձակէ նոր նախագիծ` երաժշտական հեռուստամրցոյթ, ուր կրնան մասնակցիլ 16 տարեկանէն բարձր, ազգութեամբ/արմատներով հայ, ձայնային լաւ տուեալներով եւ բեմական կեցուածքով կատարողներ` անկախ բնակութեան վայրէն եւ երաժշտական նախասիրութիւններէն:
«Դէպի Եւրոտեսիլ»` այսպէս կը կոչուի նոր նախագիծը, որ հնարաւորութիւն կու տայ յաղթողին իրականացնելու երազանքն ու մասնակցելու Եւրոպայի ամենահեղինկաւոր մրցոյթին` «Եւրոտեսիլին»:
Նախագիծի մասնակիցներուն պիտի ընտրեն եւ 3 ամիս շարունակ պիտի ուղղորդեն «Եւրոտեսիլ»-ի հայաստանեան նախորդ տարիներու ներկայացուցիչները, որոնք անցած են եւրոտեսիլեան ճանապարհով եւ գիտեն այս հեղինակաւոր մրցոյթին յաջողութեան հասնելու բանաձեւերը: Հեռուստադիտողներն ալ հնարաւորութիւն կ’ունենան հետեւելու այս ողջ ընթացքին:
Մրցոյթի մասնակցութեան յայտերը կ’ընդունուին Յուլիս 6–էն Օգոստոս 25:
