Հարաւային Կովկաս այցերու ծիրէն ներս Երեւանի մէջ գտնուող Գերմանիոյ ԱԳ նախարար Ֆրանք-Վալթըր Շթայնմայըրը երէկ առաւօտ կանուխ Ծիծեռնակաբերդ այցելեց, ուր անոր անունով ծաղկեպսակ դրուեցաւ Հայոց Ցեղասպանութեան զոհերու յիշատակի յուշակոթողին, ապա գերմանացի դիւանագէտը անձամբ սպիտակ մեխակներ խոնարհեց անմար կրակին մօտ:
Գերմանիոյ ԱԳ նախարարին Ծիծեռնակաբերդի մէջ կ’ուղեկցէր անոր հայ պաշտօնակից Էտուարտ Նալպանտեանը:
Ֆրանք Վալթըր Շթայնմայըր այսօր հայաստանեան եւ Ծիծեռնակաբերդի մէջ ներկայ գերմանական լրատուամիջոցներուն համար որեւէ յայտարարութիւն չըրաւ:
Յիշեցնենք, որ ան Երեւանի մէջ յայտարարեց, որ ԵԱՀԿ–ի համար պարզ դարձած է, որ Լեռնային Ղարաբաղի հակամարտութեան ներկայ կարգավիճակը տեւականօրէն այս կերպով հնարաւոր չըլլալ պահպանել:
