Նախագահ Սերժ Սարգսեան եւ տիկին Ռիթա Սարգսեան, Արամ Խաչատրեան համերգասրահին մէջ մասնակցած են՝ Հայաստանի ազգային ֆիլհարմոնիք նուագախումբի 90-ամեակին նուիրուած յոբելենական երեկոյին:
Հանրապետութեան Նախագահի հրամանագիրներով` երաժշտարուեստի բնագաւառին մէջ ներդրած նշանակալի աւանդի համար, ինչպէս նաեւ Հայաստանի ազգային ֆիլհարմոնիք նուագախումբի 90-ամեակի կապակցութեամբ՝ Հայաստանի ազգային ֆիլհարմոնիք նուագախումբի գեղարուեստական ղեկավար եւ գլխաւոր խմբավար էտուարտ Թօփչեան, պարգեւատրուած է «Հայրենիքին մատուցած ծառայութիւններու համար» 2-րդ աստիճանի մետալով, իսկ նուագախումբի տուբահար Վաղարշակ Պեպանեանին եւ շեփորահարներու խումբի նուագակցող Շահէն Գէորգեանին շնորհուած է՝ Հայաստանի Հանրապետութեան վաստակաւոր արուեստագէտի պատուաւոր կոչում:
