Յունիսի 25-ին` Երեւանի Ծիծեռնակաբերդի յուշահամալիր այցելութիւնէ յետոյ, ուր Պապը ծաղկեպսակ զետեղեց Հայոց ցեղասպանութեան զոհերու յիշատակին եւ գրառում կատարեց Հայոց Ցեղասպանութեան թանգարան-հիմնարկի մատեանին մէջ,
Ամենայն Հայոց Կաթողիկոսը եւ Հռոմի Սրբազան Քահանայապետը ժամանեցին Գիւմրիի Ս. Վարդանանց կեդրոնական հրապարակ, ուր Հռոմի Սրբազան Քահանայապետ Ֆրանչիսկոս Պապի կողմէ մատուցուեցաւ Ս. Պատարագ:
Մինչեւ Ս. Պատարագի սկսիլը, ողջոյնի խօսք ըսաւ Ամենայն Հայոց Կաթողիկոսը:
Ս. Պատարագի ընթացքին օրուայ խորհուրդին շուրջ քարոզեց Հռոմի Սրբազան Քահանայապետ Ֆրանչիսկոս Պապը:
Ս. Պատարագի ընթացքին երկու Հովուապետերը միմեանց ողջոյն տուին, որ ապա փոխանցուեցաւ ներկաներուն:
Շնորհակալական ուղերձով վերջաւորութեան հանդէս եկաւ Հայաստանի, Վրաստանի, Ռուսաստանի եւ Արեւելեան Եւրոպայի հայ կաթոլիկներու առաջնորդ Գերաշնորհ Տ. Ռաֆայէլ արքեպիսկոպոս Մինասեանը:
Ս. Պատարագի աւարտին Ամենայն Հայոց Կաթողիկոսը եւ Հռոմի Սրբազան Քահանայապետը պապամոպիլով շրջեցան հրապարակի վրայ` իրենց օրհնութիւնը բաշխելով ներկաներուն:
Ապա Հռոմի Ֆրանչիսկոս Պապը մեկնեցաւ Անարատ Յղութեան Քոյրերու մենաստան:
Նոյն օրը Ֆրանցիսկոս Պապն այցելեց Շիրակի թեմի Ս. Աստուածածին (Եօթուերք) առաջնորդանիստ եկեղեցի, ուր անոր դիմաւորեց Ամենայն Հայոց Կաթողիկոսը Շիրակի թեմի առաջնորդ Տ. Միքայէլ եպիսկոպոս Աջապահեանի եւ այս առիթով Գիւմրի ժամանած Շիրակի, Արթիկի, Գուգարաց, Արագածոտնի թեմերու եկեղեցականների հետ: Թափօրով երկու Հովուապետերը զանգերու ղօղանջներու ուղեկցութեամբ մուտք գործեցին եկեղեցի, ուր «Ուրախ լեր» շարականի ներքեւ առաջացան դէպի ատեան: Եկեղեցու Աւագ Խորանին դրուած Աստուածածնի Եօթ վէրք սրբապատկերի առջեւ Վեհափառ Հայրապետը եւ Հռոմի Պապն առանձնական աղօթեցին, որմէ ետք Ֆրանցիսկոս Պապը օրհնեց ներկայ ժողովուրդին:
Այնուհետեւ Շիրակի թեմի առաջնորդը ողջունեց երկու Հովուապետերուն:
Նորին Սրբութիւնը եւ Հռոմի Սրբազան Քահանայապետն այցելեցին նաեւ Կիւմրիի հայ կաթոլիկ առաջնորդանիստ Սրբոց Նահատակաց եկեղեցի:
Ապա Ամենայն Հայոց Կաթողիկոսը եւ Հռոմի Սրբազան Քահանայապետը, հրաժեշտ տալով Կիւմրիին, վերադարձան Երեւան:
