*ՍԵՒԱԿ ՅԱԿՈԲԵԱՆ*
Հարաւային Լիբանանի Մազարէէ Շըպաա շրջանի Լիբանան-Իսրայէլ հակամարտութեան հանգոյցին մասին, որուն լիբանանեան հող ըլլալը սուրիական կողմը այնպէս ալ չյստակացուց տակաւին, լիբանանցի ծանօթ արուեստագէտ Զիատ Ռահպանի ատենին իր երգիծահեգնական ոճով ըսած էր, թէ կ՛ուզէ իմանալ, որ ի՞նչ կը ցանեն Շեպաաի մէջ, որ քաշքշուքի այնքան կարեւոր նիւթի վերածուած է…:
Ի տես «Ազգային Երկխօսութեան» ժողովներուն, որոնց ամլութենէն բոլորս աւելի քան տեղեակ ենք, եւ լսելով, թէ այս Օգոստոսին համար նշանակուած է յաջորդական երեք ժողովներ, իմ կարգիս կ՛ուզեմ հարց տալ, թէ «Ազգային Երկխօսութեան» յարգելի ժողովականները ի՞նչ կը ճաշակեն այդ ժողովներու ընթացքին…:
