X5 Retail Group-ը սննդամթերք կը ներմուծէ Հայաստանէն` անմիջապէս արտադրողներէն: Այդ մասին Փեթերսպուրկի տնտեսական համաժողովին յայտնած է ընկերութեան գլխաւոր գործադիր տնօրէն Իկոր Շեխտերման:
Ըստ անոր այսօրուան դրութեամբ ընկերութիւնը ապրանքներ կը ներկրէ աւելի քան 25 երկիրներէ: Հեռանկարին մէջ ընկերութիւնը մտադիր է աշխատելու անմիջապէս արտադրողներուն հետ: Այժմ ընկերութիւնը այդ ձեւով ապրանքներ կը գնէ Չինաստանի եւ Սերպիոյ արտադրողներէն:
Ուղիղ մատակարարումներու մասին բանակցութիւններ տեղի կ’ունենան Հայաստանի, Ուզպեքստանի, Մերձաւոր Արեւելքի ու Լատինական Ամերիկայի երկիրներու հետ: Անիկա թոյլ կու տայ կրճատելու ծախսերն ու նուազեցնելու ապրանքի արժէքը, որ դրական կ’անդրադառնայ սպառողական գինի վրայ, կը յայտնէ rusarminfo-ն:
