*ՍԵՒԱԿ ՅԱԿՈԲԵԱՆ*
Կապիկներու վրայ կատարուած ուսումնասիրութիւն մը հետեւեալ տարօրինակ արդիւնքը կու տայ:
Անասուններու ուսումնասիրութեամբ զբաղուող հետազօտողներու խումբ մը երկու շէմփանզէներ իրար կողք գտնուող տարբեր վանդակներու մէջ կը դնեն:
Վանդակներէն մէկը ունի զանգի կոճակ մը, որուն վրայ հազիւ թէ առաջին կապիկը սեղմէ, իրեն ճաշ կը բերուի: Սակայն նոյն կոճակին սեղմումը ելեկտրական ալիքներ կ’առաջացնէ երկրորդ վանդակին մէջ, որ չարչարանք կը պատճառէ հոն գտնուող երկրորդ կապիկին:
Առաջին կապիկը հազիւ կը յայտնագործէ այս փաստը, թէ իրեն ճաշ ապահովող կոճակի սեղմումը չարչարանք կը պատճառէ դրացի կապիկին, ան կը հրաժարի կոճակը սեղմելէ եւ այդպէս անօթի կը մնայ ամբողջ 15 օրեր, խնայելով իր դրացի կապիկը:
Պէտք ունի՞մ եզրակացնելու սիրելի ընթերցող….:
