Հայաստանի պաշտպանութեան նախարարութեան բարձրագոյն սպայական խորհուրդի անդամ, «Թանկային պիաթլոն ֆետերացիա»ի հայկական մասնաճիւղի ղեկավար, զօր. Մ. Սարգսեանի գլխաւորած աշխատանքային խումբը կը մասնակցի 15-17 Յունիսին Մոսկուայի մէջ տեղի ունեցող «Միջազգային բանակային խաղեր–2016» մրցումներու նախապատրաստման ծրագրաւորման ամփոփիչ համաժողովին եւ կայացման վայրերու քննութեան: Այս մասին յայտնած են Հայաստանի պաշտպանութեան նախարարութեան տեղեկատուութեան եւ հասարակութեան հետ կապերու վարչութենէն:
Հաղորդուած է նաեւ, որ 16-17 Յունիսին Մոսկուայի մէջ կայացող ՀԱՊԿ-ի տնտեսական գործունէութիւնը կարգաւորող փաստաթուղթերու նախագիծերու քննարկումներուն պիտի մասնակցի Հայաստանի պաշտպանութեան նախարարութեան պաշտպանական քաղաքականութեան վարչութեան ներկայացուցիչը:
