*ՍԵՒԱԿ ՅԱԿՈԲԵԱՆ*
Սիրելի ընթերցող դուն գիտե՞ս, թէ մինչ միջազգային մետիան (լրատուութիւնը) մեզի կը զբաղեցնէ ամերիկեան նախագահական ընտրութիւններով, կամ անջրպետի մէջ նոր մոլորակի մը յայտնաբերումով եւ կամ այսինչ դերասանուհիին կամ բնորդուհիին (model) մարմինին չափերով, աշխարհի զանազան մոռցուած անկիւններու մէջ կը պատահին դէպքեր, որոնցմէ գրեթէ անտեղեակ է համայն մարդկութիւնը…:
Արդեօ՞ք գիտենք, որ օրինակի համար Սոմալիոյ մէջ վերջերս միայն 29,000 փոքրիկներ սովամահ եղած են եւ շուտով անոնց պիտի յաջորդեն ուրիշ 30,000 փոքրիկներ… մինչ միջազգային մետիան այդ մասին գերեզմանային լռութեան մէջ է…:
Այս մէկը միակ օրինակը չէ դժբախտաբար: Նմանօրինակ մարդկային աղէտներ շատ են ամէնուրեք, սակայն միջազգային մետիայի լրատուութիւնը կը մնայ ընտրովի…:
Մինչեւ ե՞րբ այս երկու չափ երկու կշիռը…։
