Յունիս 5-ին Երախաներու պաշտպանութեան միջազգային օրուան առիթով՝ Վառնայի Սբ. Սարգիս հայկական եկեղեցւոյ մէջ, հոգեւոր հովիւ Տ. Բարթուղիմէոս քահանայ Յակոբեանի նախաձեռնութեամբ, հաւաքուած էին մեծ թիւով փոքրիկներ: Այս մասին կը հաղորդեն Պուլկարիոյ հայոց թեմէն:
Սուրբ եւ Անմահ Պատարագի աւարտին` արժանապատիւ Տէր Հայրը փոխանցելով բարեմաղթանքներ, կատարեց երախաներու օրհնութեան կարգ: Այնուհետեւ եկեղեցւոյ բակին մէջ տեղի ունեցաւ տօնակատարութիւն, որ ուղեկցուեցաւ տարատեսակ խաղերով, հայկական երգ ու պարով, ինչպէս նաեւ հիւրասիրութեամբ ու նուէրներու բաշխումով, որ ապահոված էին Վառնայի եկեղեցական վարչութեան ատենապետ Մասիս Պաղտատեանն ու խաչքաւոր Գէորգ Գրիգորեանը:
