Արցախի Հանրապետութեան նախագահ Բակօ Սահակեան այցելած է Պրիւքսէլի մէջ Հայաստանի Հանրապետութեան դեսպանատուն, ուր հանդիպում ունեցած է արտակարգ եւ լիազօր դեսպան Թաթուլ Մարգարեանի եւ դեսպանութեան աշխատակիցներուն հետ: Այս մասին կը հաղորդեն Արցախի նախագահի աշխատակազմի տեղեկատուութեան գլխաւոր վարչութենէն։
Հանդիպման ընթացքին արծարծուած են եւրոպական տարբեր կառոյցներու մէջ հայկական երկու հանրապետութիւններու փոխգործակցութեան առնչուող շարք մը հարցեր:
Բակօ Սահակեան նշած է, որ այս հարթութեան մէջ առկայ են կապերու ընդլայնման ու խորացման բաւարար հիմքեր` աւելցնելով, որ համադրելով Հայաստանի, Սփիւռքի եւ Արցախի ջանքերը, հնարաւոր է յաջողութեամբ իրականացնել որեւէ առաջադրանք:
