Յունիս 8 լոյս 9-ի ժամը 00.00-00:30-ը ժամանակահատուածին, ազրպէյճանական կողմը ձեռք բերուած հրադադարի համաձայնութիւնը հերթական անգամ խախտելով, գնդակոծած է Բաղանիս գիւղը:
Վնասուած են տանիքներ եւ լուսամուտներ: Այս մասին ըստ «Արցախփրես»-ի, Facebook-ի իր էջին վրայ գրած է Բաղանիսի գիւղապետ Նարեկ Սահակեան:
«Բաղանիսի ուղղութեամբ կրակոցները դպրոցական քննութիւնները չխանգարեցին: Բաղանիսի միջնակարգ դպրոցի 11-րդ դասարանի աշակերտները արտադպրոցական միջոցառումէ վերադառնալու ճամբուն վրայ ստիպուած են 30 վայրկեան սպասել գիւղի սկիզբը` ապահովութեան համար: Հակառակ այս բոլորին` 9-րդ դասարանցիները բնականոն կերպով յանձնած են իրենց տարեվերջի քննութիւնը: Բաղանիսցի ըլլալը հպարտութիւն է, կարգվիճակ եւ ճակատագիր», գրած է ան:
