ՀՀ արտաքին գործոց նախարարութեան մամլոյ բանբեր Տիգրան Բալայեան խօսած է՝ Հալէպի հայաբնակ թաղամասերու շարունակական ռմբակոծումներուն մասին ըսելով. «Խստօրէն կը դատապարտենք ահաբեկչական խմբաւորումներու կողմէ Հալէպի հայաբնակ թաղամասերու շարունակական ռմբակոծումները, որոնք մարդկային զոհերու եւ աւերածութիւններու պատճառ կը դառնան:
«Վերջին օրերուն կատարուած յարձակումներուն պատճառով զոհուած են չորս հայեր, լրջօրէն վնասուած են հայկական ծերանոցը, հայ կաթողիկէ համայնքի Ս. Երրորդութիւն` Զուարթնոց եկեղեցին, գիտակրթական, պատմամշակութային եւ քաղաքացիական նշանակութեան շարք մը այլ շինութիւններ:
«Սուրիական ճգնաժամի լուծման գործընթացին մէջ յառաջընթաց արձանագրելու հիմնական նախապայմանը՝ զինուորական գործողութիւններու եւ բռնութեան անյապաղ դադրեցումն է», նշած է ան:
