*ՍԵՒԱԿ ՅԱԿՈԲԵԱՆ*
95 տարիներ առաջ՝ 2 Յունիս 1921-ին Պերլինի մէջ սկիզբ առաւ թուրք դահիճ Թալէաթի ահաբեկիչ՝ Սողոմոմ Թեհլիրեանի դատավարութիւնը, ուր ի տես Թեհլիրեանի անհերքելի վկայութեան՝ ինչ կը վերաբերի թուրքերու Հայ ժողովուրդին դէմ գործած զարհուրելի արարքին, աւարտեցաւ Թեհլիրեանի գերման դատարանին կողմէ անպարտ արձակմամբ..:
Այդ թուականէն 95 տարիներ ետք եւ զարմանալի զուգադիպութեամբ մը՝ միեւնոյն Գերմանիոյ խորհրդարանը՝ Պունտըսթակը, նոյն Պերլինի մէջ, քաղաքակիրթ ժողովուրդներու միայն յատուկ նմանօրինակ արդարադատութեամբ մը՝ ճանչցաւ Հայոց Ցեղասպանութիւնը…:
Արդեօք ե՞րբ քաղաքակիրթ ձեւացող Թուրքիա պիտի նմանօրինակ քայլ մը առնէ՝ ընդօրինակելով իր զինակից Գերմանիոյ օրինակը…:
Հանգիստ ոսկորներուդ Խրիմեան Հայրիկ, որ ժամանակին նոյն այդ Պերլինի վեհաժողովէն ձեռնունայն վերադարձեր էիր՝ որովհետեւ թուղթէ շերեփով հոն գացեր էիր… ժամանակի ընթացքին պայմանները ինչպէ՜ս կը փոխուին…։
Մինչ այդ Շնորհակալութիւն Գերմանիա:
