Յունիս 1-ին` ՀՀ Սփիւռքի նախարար Հրանոյշ Յակոբեան, Երեւանի սիրահարներու այգիին մէջ մասնակցեցաւ Երախաներու պաշտպանութեան միջազգային օրուան նուիրուած՝ «Երախաներու ձայնը» խորագիրով ձեռնարկին, որ նախաձեռնած էր «Սէյվ տը չիլտրըն» կազմակերպութիւնը:
Ձեռնարկին ներկայ էին նաեւ ՀՀ-ի մէջ ԱՄՆ դեսպան Ռիչարտ Միլզը, ՀՀ-ի մէջ Գերմանիոյ դեսպան Պերնյարտ Մաթիաս Քիսլերը, Հայաստանի մէջ Եւրոպական Միութեան պատուիրակութեան ղեկավար դեսպան Փեոթր Սուիտալսկին, ՀՀ աշխատանքի եւ սոցիալական հարցերու նախարար Արտեմ Ասատրեան, հասարակական եւ միջազգային կազմակերպութիւններու ներկայացուցիչներ, նաեւ երախաներ եւ ծնողներ:
Բացման խօսքով հանդէս եկաւ ՀՀ Սփիւռքի նախարար Հրանոյշ Յակոբեան:
Շնորհաւորելով երախաները գեղեցիկ տօնին առթիւ` նախարարը նշեց. «Այսօր ամբողջ աշխարհը կը նշէ ամենավառ, ամենապայծառ տօնը` երախաներու պաշտպանութեան միջազգային օրը: Կը ցանկամ, որ աշխարհի բոլոր երախաները առողջ ըլլան, լաւ սորվին եւ ապրին խաղաղ երկինքի տակ: Դու՛ք էք մեր վաղուայ օրը, եւ ես վստահ եմ, որ ձեր շնորհիւ մենք վաղը պիտի ունենանք հզօր Հայաստան»:
Ձեռնարկի պաշտօնական բացման արարողութենէն ետք, նախարարը եւ հիւրերը այցելեցին վրանային ցուցահանդէսներ, որուն տաղաւարներուն մէջ ներկայացուած էին նաեւ սուրիահայերու ձեռագործ աշխատանքներ ու հրուշակեղէն:
