Թուրքիոյ վարչապետ Պինալի Եըլտըրըմ Գերմանիոյ վարչապետ Անկելա Մերքելի հետ ունեցած հեռախօսազրոյցի ընթացքին անդրադարձած է՝ Հայոց Ցեղասպանութեան ճանաչման բանաձեւի Յունիս 2-ին Պունտըսթակի մէջ տեղի ունենալիք քննարկումներուն ու քուէարկութեան, կը հաղորդէ ermenihaber.am-ը:
Թուրքիոյ կառավարութեան ղեկավարը իր գերմանացի պաշտօնակցին յայտնած է, որ իրենք այդ հարցով Գերմանիոյ կառավարութենէն ու Պունտեսթակէն ողջամիտ վերաբերում կ՛ակնկալեն:
Ըստ թրքական «Karar.com» լրատուակայքին` Եըլտըրըմ մասնաւորաբար ըսած է. «Թուրքիոյ կառավարութիւնն ու Գերմանիոյ եւ Թուրքիոյ մէջ ապրող միլիոնաւոր թուրքերը, անհանգստութեամբ կը հետեւին Գերմանիոյ խորհրդարանին մէջ անհիմն ու անիրաւ քաղաքական վճիռներ պարունակող նախաձեռնութեան: Մենք այս հարցով Գերմանիոյ կառավարութենէն ու խորհրդարանէն ողջմիտ վերաբերում կ՛ակնկալենք»։
