ՀՀ նախագահ Սերժ Սարգսեանի գլխաւորութեամբ` մեկնարկեց «Հայաստան» համահայկական հիմնադրամի հոգաբարձուներու խորհուրդի եւ տեղական մարմիններու 25-րդ համատեղ նիստը:
Ներկաները մէկ վայրկեան լռութեամբ յարգեցին խորհուրդի անդամ՝ Հայ Կաթողիկէ եկեղեցւոյ կաթողիկոս պատրիարք Ներսէս Պետրոս ԺԹ Թարմունիի յիշատակը:
Նախագահը յայտարարեց, որ Հոգաբարձուներու խորհուրդի 33 անդամներէն ներկայ է 29-ը, ներկայ են տեղական մարմիններու 24 ներկայացուցիչներ, քուորումը ապահովուած է, սկսաւ նիստի աշխատանքը:
Հոգաբարձուներու խորհուրդի նիստին մասնակցելու համար Երեւան ժամանած է Լեռնային Ղարաբաղի Հանրապետութեան նախագահ Բակօ Սահակեան, որ զեկոյց պիտի ներկայացնէ «Հայաստան» համահայկական հիմնադրամի Մարաթոն 2016-ի նպատակաուղղուածութեան մասին:
Հիմնադրամի գործադիր տնօրէն Արա Վարդանեան ներկայացուց 2015 թուականի հաշուետուութիւնը:
