*ՍԵՒԱԿ ՅԱԿՈԲԵԱՆ*
Ո՞վ կրնայ Հայաստանցի այս մանչուկին աչքերուն մէջ նայիլ… ես անձնապէս կ՛ամչնամ…։
Ինչպէ՞ս կարելի է նման ընկերային անարդարութիւն մը հաշտ աչքերով դիտել ու չընդվզիլ Աստուծոյ ու մարդկութեան դէմ…:
Ամէնէն անօգուտ եւ դիւրին ձեւը Հայրենի պետութիւնը մեղադրելն է: Այս պզտիկին եւ իրեն նմաններուն, ինչպէս նաեւ այս ծայրայեղ աղքատութեան մէջ ապրող ընտանիքներուն հոգատարութիւնը մեր ամէնո՛ւն պարտքն է… անխտիր … Հայրենիքէն մինչեւ ամենահեռաւոր Սփիւռքը, «Հայաստան» Համահայկական հիմնդրամէն մինչեւ վերջին կրօնական ու բարեսիրական հաստատութիւնը…:
Մանկութիւն չունեցող այս Հայ մանչուկին տխուր աչքերուն ու անժպիտ դէմքին նկարը՝ տակաւին երեւի երկար հալածեն զիս…։
