Արցախի Հանրապետութեան նախագահ Բակօ Սահակեան Մայիս 17-ին այցելած է Պաշտպանութեան բանակի զօրավարժարաններէն մէկը, հանդիպած Արցախի ազատամարտիկներու միութեան անդամներէ կազմուած գումարտակներէն մէկուն անձնակազմին հետ, ծանօթացած անոնց առօրեային եւ ծառայութեան ընթացքին:
ԼՂՀ նախագահի աշխատակազմի տեղեկատուութեան և հասարակայնութեան հետ կապերու վարչութեան փոխանցմամբ՝ նախագահը ողջունած է այս նախաձեռնութիւնը` կարեւորելով ազատամարտիկներու մասնակցութիւնը Հայրենիքի պաշտպանութեան գործին:
Նախագահին կ՛ուղեկցէին պաշտպանութեան նախարար Լեւոն Մնացականեանը, Արցախի ազատամարտիկներու միութեան նախագահ Սամուէլ Կարապետեանը, ԼՂՀ ԱԺ պաշտպանութեան, անվտանգութեան եւ օրինապահպանութեան հարցերու մշտական յանձնաժողովի նախագահ Ժաննա Գալստեանը, պաշտօնատար այլ անձիք:
