Վրաստանի բնակչութեան մարդահամարի արդիւնքներով (չէ կայացած Հարաւային Օսէթիոյ եւ Աբխազիոյ մէջ), որ իրականացուցած է 2014-ին Վրաստանի Ազգային վիճակագրական ծառայութիւնը, երկիրի բնակչութիւնը 3,7 միլիոն է: Ատիկա 15 տոկսով պակաս է 2002 թուականի մարդահամարի արդիւնքներէն, կը հաղորդէ panarmenian.net-ը:
Ըստ արդիւնքներուն Վրաստանի բանկչութեան 86,8%-ը վրացիներ են` 3,2 միլիոն, 6,3%-ը ազրպէյճանցիներ` 233 հազար, 4,5%-ը հայեր՝ 168 հազար, 0,7%-ը ռուսեր` 26,5 հազար:
Վերջին տարիներուն Վրաստանի մէջ նուազած է ոչ միայն բնակչութեան ընդհանուր քանակը, այլ նաեւ երկիրին մէջ բնակող ազգային փոքրամասնութիւնները: 1989 թուականի մարդահամարի տուեալներով, հայերը Վրաստանի մէջ կը կազմէին բնակչութեան ընդհանուր թիւին (5,4 միլիոն) 8%-ը` 437 հազար եւ քանակով երկրորդ ազգութիւնն էին երկիրին մէջ վրացիներէն ետք, իսկ ազրպէյճանցիները կը կազմէին 5,7%-ը` 307,5 հազար: 2002 թուականի մարդահամարի տուեալներով, հայերը արդէն կը կազմէին բնակչութեան ընդհանուր թիւին 5,7%-ը` 249 հազար, զիջելով երկրորդ տեղը ազրպէյճանցիներուն (6,5% – 284 հազար): Այդպիսով 12 տարուայ մէջ հայերուն քանակը Վրաստանի մէջ կրճատուած է 81 հազարով կամ գրեթէ մէկ երրորդով, իսկ ազրպէյճանցիներունը 51 հազարով` 18%-ով:
Ըստ 2014 թուականի մարդահամարին, Վրաստանի մէջ կը բնակին նաեւ օսեր` 14.4 հազար, եզիտիներ` 12 հազար, ուքրանացիներ` 6 հազար, յոյներ` 5,5 հազար, ասորիներ` 2,4 հազար եւ այլ ժողովուրդներու ներկայացուցիչներ:
2014-ի բնակչութեան մարդահամարը տեղի ունեցած է Նոյեմբեր 5-19ին, որ իրականացած է Վրաստանի տարածքի 82%-ին մէջ:
