Երէկ Օրուան ընթացքին Ղարաբաղա-ազրպէյճանական հակամարտ զօրքերու սահմանագիծին վրայ հաստատուած յարաբերական անդորրը՝ ժամը 17:40-ի մօտ խախտուած է հակառակորդին կողմէ: Այս մասին կը տեղեկացնէ ԼՂՀ Պաշտպանութեան Բանակի (ՊՆ) մամուլի ծառայութիւնը:
Ազրպէյճանական զինուժը 82 միլիմեթրնոց ականանետերէ սկսած է արկակոծել՝ Մարտակերտի ուղղութեամբ տեղակայուած Պաշտպանութեան բանակի (ՊԲ) մարտական դիրքերը (14 արկ):
Սահմանագիծի հիւսիսարելեան ուղղութեամբ նկատուած է նաեւ հակառակորդի ռազմական սարքերու շարժ:
ՊԲ յառաջապահ ստորաբաժանումները ուշադիր կը հետեւին առաջնագիծի վրայ տեղի ունեցող զարգացումներուն եւ իրենց պատժիչ գործողութիւններով կը ճնշեն հակառակորդին աշխուժութիւնը:
