ՄԱԿ-ի գլխաւոր քարտուղար Պան Քի Մունի Հարաւային Կովկասի երկիրներ` Հայաստան, Վրաստան եւ Ազրպէյճան այցը յետաձգուած է:
«Արմէնփրես»-ի հետ զրոյցի ընթքցքին այս մասին տեղեկացուցած է՝ ՄԱԿ-ի հանրային տեղեկատուութեան վարչութեան ղեկավար Արմինէ Հալաճեանը:
«Այցը յետաձգուած է, այս օրերուն պիտի չըլլայ: Ան տարածաշրջան պիտի գայ, բայց ժամկէտերու մասին ոչինչ յայտնի է: Մենք տեղեկացած ենք գլխաւոր քարտուղարի մամուլի խօսնակէն եւ գիտենք, որ տարածաշրջանային այցելութիւնը շատ ցանկալի էր: Պարզապէս այլ` աւելի հրատապ գործերու պատճառով, անոր ներկայութիւնը պէտք է ուրիշ տեղ ըլլայ», տեղեկացուցած է Արմինէ Հալաճեան` յղում ընելով ՄԱԿ-ի գլխաւոր քարտուղարի մամուլի խօսնակ Սթեֆան Տիւժարիկէն ստացած տեղեկութեան:
