Շաբաթավերջին հայ-ազրպէյճանական պետական սահմանագօտիի հիւսիսարեւելեան հատուածին մէջ արձանագրուած է հրադադարի խախտման 18 միջադէպ:
ՀՀ Պաշտպանութեան Նախարարութեան տեղեկատուութեան եւ հասարակայնութեան հետ կապերու բաժինի փոխանցմամբ, ազրպէյճանական կողմը տարբեր տրամաչափի հրաձգային եւ դիպուկահար զինատեսակներէ, անկանոն բնոյթի կրակահերթեր արձակած է հայ դիրքապահներու ուղղութեամբ: Բացի հրաձգային զինատեսակներէ` կիրառած է նաեւ 60 մմ-ոց ականանետ (2 արկ):
ՀՀ Զինեալ ուժերու յառաջապահ ստորաբաժանումները ցուցաբերելով զսպուածութիւն, պատասխան գործողութիւններու դիմած են միայն խիստ անհրաժեշտութեան պարագային եւ վստահօրէն կը վերահսկեն սահմանային իրավիճակը:
