Երկուշաբթի, 22. 04. 2024

spot_img

Թալիշի Ուղղութեամբ Հակառակորդի Կրակոցէն Զինուոր Մը Վիրաւորուած է

Դարձեալ շաբաթավերջին ղարաբաղա-ազրպէյճանական հակամարտ զօրքերու սահմանագիծին վրայ իրադրութիւնը կը շարունակէ մնալ նոյնը:

ԼՂՀ Պաշտպանութեան Նախարարութեան մամուլի ծառայութեան փոխանցմամբ` հակառակորդը առաջնագիծի ողջ երկայնքով աւելի քան 70 անգամ խախտած է  կրակի դադրեցման շուրջ ձեռք բերուած բանաւոր պայմանաւորուածութիւնը` հիմնականօրէն կիրառելով տարբեր տրամաչափի հրաձգային զինատեսակներ:

Կրակի դադրեցման շուրջ ձեռք բերուած բանաւոր պայմանաւորուածութեան խախտման արդիւնքով` շփման գիծի հիւսիսային (Թալիշ) ուղղութեամբ ժամը 02:15-ի սահմաններուն մէջ տեղի ունեցած է միջադէպ, որուն հետեւանքով հակառակորդին կողմէ արձակուած կրակոցէն՝ ձախ բազուկէն հրազէնային գնդակային միջանցիկ վէրք ստացած է զինծառայող Գագիկ Վեաչեսլաւի Խուրշուտեանը:

Ազրպէյճանական զինուժի նախայարձակ գործողութիւններուն ի պատասխան` ՊԲ առաջապահ ստորաբաժանումները դիմած են կանխարգելիչ քայլերու եւ ճնշած հակառակորդին յարձակումը:

Ղարաբաղեան ուժերը կը շարունակեն վստահօրէն իրականացնել իրենց առջեւ դրուած մարտական խնդիրը եւ ապահովել սահմանային բնագիծի յուսալի պաշտպանութիւնը:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին