Քառօրեայ պատերազմի ժամանակ մեծ վնասներ կրած են Արցախի շարք մը բնակավայրեր ու խաղաղ բնակիչներ: Լեռնային Ղարաբաղի Հանրապետութեան իշխանութիւնները օգտուելով ստեղծուած համեմատաբար խաղաղ վիճակէն, անմիջապէս անցած են գործի եւ արդէն քանի մը օրէ կը զբաղին քառօրեայ պատերազմի պատճառած վնասներու գոյքագրման ու հետեւանքներու վերականգնման աշխատանքներով:
ԼՂՀ կառավարութեան պատասխանատու բոլոր ստորաբաժանումները ներգրաւուած են այդ գործընթացին մէջ: ԼՂՀ քաղաքաշինութեան նախարարութիւնը արդէն հաշուառկած է պետութեան հասցուած նիւթական վնասներուն չափը, գիտեն ինչ անհրաժեշտ է քաղաքաշինական եւ այլ ենթակառուցուածքներու վերականգնման ու բնականոն աշխատանքի համար:
Հայաստանէն սպասուող աջակցութիւնը նոյնպէս չէ ուշացած:
