Ըստ իսրայէլեան Haaretz թերթին, Հայաստան բողոք ներկայացուցած է Իսրայէլին, Պաքուին զէնք վաճառելու խնդրով: Թերթին հրապարակման համաձայն, Հայաստան այդ բողոքը կատարած է այն դէպքէն ետք, երբ ազրպէյճանական բանակը Լեռնային Ղարաբաղի վրայ յարձակման ժամանակ իսրայէլեան արտադրութեան անօդաչու անձնասպանական սարք գործածած է: «Երուսաղէմի մէջ բարձրաստիճան պաշտօնեաներէն մէկը յայտարարեց, որ հայկական կողմը բողոք ներկայացուցած է Իսրայէլի կողմէ Ազրպէյճանին զէնքի մատակարարումներու առիթով, զէնքեր որոնք գործածուած են հայկական բանակին դէմ», կը գրէ իսրայէլեան թերթը:
