Լեռնային Ղարաբաղի Հանրապետութիւն ուղեւորուած են Յունաստանի խորհրդարանի պատգամաւոր Կարիֆալիա Քանելլին եւ Լաթվիոյ խորհրդարանի պատգամաւոր Սերգէյ Փոդաբգինը:
Այս մասին կը տեղեկացնէ ՀՀ Ազգային ժողովի հասարակայնութեան եւ տեղեկատուութեան միջոցներու հետ կապերու վարչութեան պետ Արսէն Բաբայեանը: Պատգամաւորներուն կ՛ուղեկցի ՀՀ ԱԺ փոխնախագահ Էդուարդ Շարմազանով:
Պատգամաւորները համապատասխանաբար Յունաստան-Հայաստան եւ Լաթվիա-Հայաստան խորհրդարանական բարեկամական խումբերու ղեկավարներն են, որոնց հայկական կողմի ղեկավարը Էդուարդ Շարմազանովն է:
Յիշեցնենք, որ Ապրիլ 9-ին Լաթվիոյ խորհրդարանի պատգամաւոր, Լաթվիա-Հայաստան բարեկամական խումբի ղեկավար Սերգէյ Փոդաբգին, ՀՀ ԱԺ փոխնախագահ Էդուարդ Շարմազանովի հետ այցելած է Ծիծեռնակաբերդի յուշահամալիր եւ յարգանքի տուրք մատուցած Հայոց Ցեղասպանութեան զոհերու յիշատակին:
