Շաբաթ, 13. 04. 2024

spot_img

Նախագահ Սարգսեան Հանդիպում Ունեցած Է ԱՄՆ Արեւելեան Ափի Հայ Համայնքի Ներկայացուցիչներուն Հետ

Նախագահ Սերժ Սարգսեան Մարտ 30-ին ԱՄՆ Մասաչուսէց նահանգին մէջ այցելած է հայկական Սուրբ Յակոբ եկեղեցի: Հանրապետութեան նախագահը Հայ Առաքելական եկեղեցւոյ Արեւելեան թեմի առաջնորդ Տէր Խաժակ արք. Պարսամեանի, Մեծի Տանն Կիլիկիոյ ԱՄՆ Արեւելեան թեմի առաջնորդ Տէր Օշական արք. Չօլոյեանի, «Հայաստան ծառ» ծրագիրի հիմնադիր Քերոլին Մուկարի ու տեղի հայ համայնքի ներկայացուցիչներուն հետ ծաղկեպսակ դրած է՝ եկեղեցւոյ բակին մէջ գտնուող Հայոց Ցեղասպանութեան զոհերու յիշատակը յաւերժացնող յուշարձանին եւ յարգանքի տուրք մատուցած: Աւելի ուշ կայացած է ՀՀ նախագահին հանդիպումը ԱՄՆ Արեւելեան ափի հայ համայնքի ներկայացուցիչներուն հետ, որուն ժամանակ Սերժ Սարգսեան հանդէս եկած է ելոյթով: Հանդիպման աւարտին Հանրապետութեան նախագահը համայնքային շարք մը գործիչներ պարգեւատրած է պետական բարձր պարգեւով, խրախուսած շնորհակալագիրերով: Մասնաւորաբար ՀՀ անկախութեան տօնին առթիւ, ինչպէս նաեւ Հայրենիք-Սփիւռք կապերու ամրապնդման գործին մէջ նշանակալի աւանդի համար՝ բժիշկ, Պոսթընի համալսարանի նախագահ Արամ Չոպանեան պարգեւատրուած է Մխիթար Հերացիի մետալով: Հայոց Ցեղասպանութեան 100-րդ տարելիցին նուիրուած ձեռնարկները  պատշաճ կազմակերպելու եւ իրականացնելու գործին մէջ ներդրած աւանդի համար, ձեռնարկները համակարգող Ամերիկայի Միացեալ Նահանգներու Պոսթընի տարածաշրջանային յանձնախումբի անդամներ Էնթընի Պարսամեան, Ճէյմս Գալուստեան եւ Արա Նազարեան պարգեւատրուած են ՀՀ Նախագահի շնորհակալագիրով:

spot_img
Նախորդ յօդուածը
Յաջորդ յօդուածը

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին