Շաբաթ, 13. 04. 2024

spot_img

Մահացած է Հայ Անուանի Օփերային Երգիչ Եւ Բեմադրիչ Գեղամ Գրիգորեանը

Երէկ՝ Մարտ 23-ին կեանքէն հեռացած է հայ անուանի օփերային երգիչ (թենոր) եւ բեմադրիչ, Ա. Սպենդիարեանի անուան օփերայի եւ պալէի ազգային ակադեմիական թատրոնի գեղարուեստական ղեկավար, Լիթուայի վաստակաւոր արթիսթ, Հայաստանի ժողովրդական արթիսթ, «Մովսէս Խորենացի» եւ «Հայրենիքին մատուցած ծառայութիւններու համար» 1-ին աստիճանի մետալակիր Գեղամ Միհրան Գրիգորեանը:

Գեղամ Գրիգորեանի թաղման հետ կապուած պիտի ստեղծուի կառավարական յանձնաժողով:

Գեղամ Գրիգորեան ծնած է 1951 Յունուար 29-ին, Երեւան:

Աւարտած է Երեւանի Կոմիտասի անուան պետական երաժշտանոցը` Հայաստանի ժողովրդական արթիսթ, փրոֆէսոր Սերկէյ Դանիէլեանի դասարանը: Գրիգորեան առաջին անգամ մեծ բեմի վրայ հանդէս եկած է 1971ին, 20 տարեկանին, 1972ին մենահամերգներով մեկնած է արեւմտեան Պերլին:

1975ին կայացաւ անոր տեպիւթը Ալեքսանդր Սպենդիարեանի անուան օփերայի եւ պալէի ազգային ակադեմիական թատրոնին մէջ` Էդկարի դերերգով, Տոնիցեթիի «Լուչիա տի Լամերմուր» օփերային մէջ: Այնուհետեւ Սարոն (Արմէն Տիգրանեանի «Անուշ»), Տիրիթը (Տիգրան Չուխաճեանի «Արշակ Բ»), Սայեաթ Նովա (Ալեքսանդր Յարութիւնեանի «Սայեաթ Նովա»), Կոմս Ալմաւիւա (Ռոսսինիի «Սեւիլեան սափրիչ»), Ֆաուստ (Գունոյի «Ֆաուստ»): 1970-ականներուն Գրիգորեանը յայտնի մեներգիչ եղած է Խորհրդային Միութեան մէջ:

1978ին Գեղամ Գրիգորեան մասնակցած է Միլանի «Լա Սկալա» թատրոնի Գեղարուեստական կատարելագործման դպրոցի մրցոյթին (Scuola di Perfizionamento Artistico) եւ ընդգրկուած այն չորս երգիչներու կազմին մէջ, որոնք հրաւիրուած են աշխատանքային փորձ անցնելու «Լա Սկալա»ի մէջ:

Այդ տարիներուն Իտալիոյ մէջ Գեղամ Գրիգորեան ունեցած է շարք մը համերգներ: «Լա Սկալա»ի մէջ տեպիւդով հանդէս եկած է պինկըրթընի դերով (Պուչինիի «Մատամ Պաթըրֆլայ» օփերա): Այս ելոյթէն յետոյ ան «Լա Սկալա» թատրոնին հետ ստորագրած է պայմանագիր՝ այնտեղ «Պորիս Կոտունով» եւ «Տոսգա» օփերային ներկայացումներուն գլխաւոր դերերով հանդէս գալու համար, խմբավար Գլաուտիօ Ապպատոյի ղեկավարութեամբ, որ այն ժամանակ Լա Սկալայի գլխաւոր խմբավարը եղած է:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին