Երկուշաբթի, 22. 04. 2024

spot_img

Հայաստանի Եւ Քուէյթի Միջեւ Միջպետական Համաձայնագիր Ստորագրուած Է

Հայաստանի վարչապետ Յովիկ Աբրահամեանի ներկայութեամբ, կառավարութեան շէնքին մէջ ստորագրուեցաւ «Հայաստանի Հանրապետութեան եւ Քուէյթի Պետութեան միջեւ քրէական գործերով փոխադարձ իրաւական օգնութեան մասին» միջպետական համաձայնագիրը: Փաստաթուղթը ստորագրեցին Հայաստանի Հանրապետութեան արդարադատութեան նախարար Արփինէ Յովհաննիսեան եւ Քուէյթի Պետութեան արդարադատութեան, կրօնական կալուածներու եւ իսլամական հարցերու նախարար Եաքուպ Ապտըլ ալ-Մոհսեն ալ-Սանիէ: Այս մասին կը տեղեկացնեն ՀՀ Կառավարութեան մամլոյ եւ կապի վարչութենէն:

Վարչապետը ողջունած եւ կարեւոր համարած է համաձայնագիրի ստորագրումը` ընդգծելով, որ քաղաքական, առեւտրատնտեսական, մշակութային եւ այլ ոլորտներուն զուգահեռ, կարեւոր է նաեւ իրաւական դաշտի կարգաւորումը: Կառավարութեան ղեկավարը համոզուած է, որ իրաւական դաշտին մէջ փորձի փոխանակումը եւ փորձագէտներու փոխայցելութիւնները՝ պիտի ամրապնդեն Հայաստանի եւ Քուէյթի բարեկամական փոխգործակցութիւնը, ինչպէս նաեւ պիտի նպաստեն տարբեր ոլորտներու մէջ կապերու զարգացումին:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին