Իսրայէլը, Սինկափուրն ու Հայաստանը երրորդ տարին անընդմէջ կը մնան աշխարհի երեք ամենառազմականացած երկիրները:
Նման տուեալներ կը հաղորդեն Պոննի Քոնվերսիայի միջազգային կեդրոնի Global Military Index զեկոյցները:
Զեկոյցը կը կազմուի հաշուի առնելով 1000 շունչին հասնող զինուորականներու, ռազմական ծախսեր /ՀՆԱ եւ ռազմական ծախսեր/, առողջապահութեան ծախսեր յարաբերակցութեան, զինուորականներուն քանակի ու ծանր սպառազինութեան քանակի ցուցանիշերու հիման վրայ:
Հայաստանը ամենառազմականացած երկիրն է Եւրոպայի մէջ: Երկրորդ տեղը կը գրաւէ Ռուսիան, երրորդը Կիպրոսը, չորրորդը Ազրպէյճանը, որ համաշխարհային դասակարգման մէջ 2015-ի վերջի դրութեամբ կը գտնուի 8-րդ հորիզոնականի վրայ:
2007-2009 թուականներուն Հայաստանը ռազմականացածութեամբ աշխարհի ութերորդն էր, 2010-2012ն` չորրորդը, 2013-էն ի վեր Հայաստանը կը գտնուի ամենառազմականացած երկիրներու երրորդ տեղը: Իսրայէլը եւ Սինկափուրը ամենառազմականացած երկիրներն են աշխարհի վրայ 2007 թուականէն ի վեր:
