Նախագահ Սերժ Սարգսեան ցաւակցական հեռագիր յղած է Պելճիքայի Թագաւորութեան վարչապետ Շարլ Միշելին` Պրիւքսէլի միջազգային օդակայանին եւ մեթրոյին մէջ երէկ տեղի ունեցած պայթումներու կապակցութեամբ, որոնց զոհ դարձած են տասնեակ անմեղ մարդիկ:
Այս մասին կը հաղորդեն ՀՀ Նախագահի մամլոյ ծառայութենէն:
«Այս ծանր պահուն իմ ցաւակցութիւնս ու զօրակցութիւնս կը յայտնեմ Ձեզ, բարեկամ Պելճիքայի ժողովուրդին եւ զոհուածներու հարազատներուն` մաղթելով ոգու արիութիւն եւ համբերութիւն:
«Հայաստանը խստօրէն կը դատապարտէ ահաբեկչութեան որեւէ դրսեւորում եւ յանձնառու է այդ չարիքի դէմ միջազգային պայքարին իր ներդրումը բերելու», ըսուած է ՀՀ Նախագահի ցաւակցական հեռագիրին մէջ:
