*ՍԵՒԱԿ ՅԱԿՈԲԵԱՆ*
Այն օրէն, որ Սուրիոյ մէջ կրակմարը սկսաւ գործադրուիլ, կարգ մը կողմեր սկսան խօսիլ, թէ Սուրիոյ հարցով խաղաղ լուծումներու շոգեկառքը արդէն իսկ իր գիծին վրայ դրուած է: Այս թէզը պաշտպանողները իրենց նախատեսութիւնը եկան հաստատելու Ռուսիոյ նախագահ Փութինի որոշմամբ՝ որն է Ռուսական բանակի կարեւոր միաւորներուն Սուրիայէն հեռացնելը:
Վերոյիշեալին զուգահեռ սակայն սուրիական հարցի լուծման գծով ուրիշ երեւոյթ մը սկսաւ պարզուիլ, որն է ֆետերասիոնը՝ դաշնակցային դրութիւնը, որ իր գործնական ուղիին վրայ դրուեցաւ Սուրիոյ քրտական շրջաններու մէջ, վերջին օրերու հոն միակողմանի ինքնավարութեան յայտարարութեամբ:
Կարելի՞ է հաւատալ սիրելի ընթերցող, որ վերոյիշեալները՝ թէական թէ իրական, իրենց անդրադարձը պիտի չունենան Լիբանանի վրայ:
Չի՞ կրնար ըլլալ, որ ֆետերասիոնի գաղափարը նաեւ զարնէ Լիբանանի դռները, որ լիբանանեան թնճուկին համար տրամադրելի լուծումներէն մէկն ալ ըլլայ:
Արդիւնքը՞: Կրնայ անոր լեղի կամ անոյշ ըլալը՝ մօտէն նայողներուն տեսանելի չըլլալ…:
