Երկուշաբթի, 22. 04. 2024

spot_img

Պոսթընի Կաթողիկէ Եկեղեցին Հայոց Ցեղասպանութեան Զոհերու Յիշատակին Պատարագ Պիտի Մատուցէ

Պոսթընի կաթողիկէ եկեղեցին առաջին անգամ ըլլալով, պատարագ պիտի մատուցէ Օսմանեան կայսրութեան մէջ Հայոց Ցեղասպանութեան զոհերու յիշատակին: Այս մասին Մարտ 17-ին յայտարարած է Պոսթընի արքեպիսկոպոս քարտինալ Շոն Փաթրիք Օմելլի՛ն:

Վկայակոչելով «The Boston Globe»-ը՝ News.am-ը կը հաղորդէ, թէ քարտինալը պատարագ պիտի մատուցէ Ապրիլ 23-ին, Սուրբ Խաչ տաճարին մէջ:

Իր յայտարարութեան մէջ քարտինալը յիշատակած է Հռոմի Պապին կողմէ Հայոց Ցեղասպանութեան ճանաչումը: Օմելլի՛ն նաեւ համերաշխութիւն յայտնած է քրիստոնեաներուն, որոնք կը տառապին ամբողջ աշխարհի մէջ:

Արարողութեան ներկայ պիտի գտնուին հայ համայնքի ներկայացուցիչներ եւ կրօնական առաջնորդներ:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին