«Արփա» հիմնարկին եւ Այնթապցիներու մշակութային միութեան կազմակերպութեամբ Հինգշաբթի, Մարտ 31-ին, երեկոյեան ժամը 7։30-ին տեղի պիտի ունենայ Հայոց Ցեղասպանութեան օրերուն հայութեան կալուածներու քանդումին եւ բռնագրաւման նուիրուած դասախօսական ձեռնարկ մը, որ լուսարձակի տակ պիտի առնէ յատկապէս Օսմանեան կայսրութեան իշխանութեանց կողմէ սահմանուած այն օրէնքերը, որոնք օրինականացուցած էին այդ կողոպուտը։
Ներկայացումը տեղի պիտի ունենայ Մերտինեան վարժարանի «Պուլղուրճեան» սրահին մէջ (13330 Riverside Dr., Sherman Oaks, CA 91403)։
Նշեալ նիւթին մասին պիտի խօսի «Քլարք» համալսարանի դոկտորական թեկնածու Ումիթ Քիւրթ, որ կ՛ուսումնասիրէ հայերու կալուածներու բռնագրաւման ծալքերը: Ան ներկայիս այցելու դասախօս է Քալիֆորնիոյ համալսարանի Ֆրեզնոյի մասնաճիւղին մէջ։
Ձեռնարկի մասին յաւելեալ տեղեկութեանց համար դիմել (818) 453-0618 թիւին կամ
info@ARPAInstitute.org հասցէին։
