Շաբաթ, 13. 04. 2024

spot_img

Հայաստանի Պետական Երիտասարդական Նուագախումբը Կը Մասնակցի «Ալ Պուստան» Փառատօնին

Հայաստանի պետական երիտասարդական նուագախումբը մշտապէս կարեւոր կը համարէ՝ հայ երգահաններու ստեղծագործութիւնները հնչեցնելը արտասահմանեան հիւրախաղերու ընթացքին:

Պէյրութի մօտ տեղի ունեցող «Ալ Պուստան» միջազգային փառատօնի Մարտ 15-ի համերգը բացուեցաւ՝ Ճիւան Տէր Թադեւոսեանի Լիրիկական պոէմով: Հանդիսատեսը ջերմօրէն ընդունեց այս ստեղծագործութիւնը, կը հաղորդէ armradio.am-ը:

Երեկոյի ընթացքին տաղանդաւոր թաւջութակահար Էտկար Մորոն, Երիտասարդական նուագախումբի նուագակցութեամբ կատարեց Սերկէյ Փրոքոֆեւի Սիմֆոնիա-համանուագը թաւջութակի եւ նուագախումբի համար:

Համերգի երկրորդ բաժինին մէջ Սերկէյ Սմբատեանի գլխաւորութեամբ հնչեց՝ Մոտեստ Մուսորկսքիի Պատկերներ ցուցահանդէսէն ստեղծագործութիւնը (փոխադրութիւնը` Մորիս Ռաւելի):

Նուագախումբը կատարեց Արամ Խաչատրեանի հանրայայտ «Սուրերով պարը» «Գայանէ» պալէէն:

Յիշեցնենք, որ Հայաստանի պետական երիտասարդական նուագախումբը երրորդ տարին անընդմէջ հանդէս կու գայ՝ «Ալ Պուստան» միջազգային փառատօնին որպէս պաշտօնական նուագախումբ: Երիտասարդականը «Ալ Պուստան» փառատօնին կը մասնակցի ՀՀ մշակոյթի նախարարութեան աջակցութեամբ: Հայաստանի պետական երիտասարդական նուագախումբի գլխաւոր գործընկերն է Վիւասել ՄԹՍ-ը:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին